الأحد، 6 يوليو، 2008

الغش هو الحل

تحديث : عرفت متاخر ان البوست لم يكن مقروء لمستخدمي

internet explorer

مما تطلب مساعدة اختي لي في اعادة تنسيقه .. اسفة للازعاج

...............................................................................

بداية الحكاية

احم احم ... في يوم من ايام الامتحانات
كنت رايحة امتحان الرياضيات و انا في قمة نشاطي
و انا رايحة اخدت مصروفي و اشتريت بيه عصير و شوكولا
* عموما مش هو ده الموضوع *
رحت مدرستي سيرا على الاقدام افكر و اراجع طريقة الكسور التي علمتهالي اختي
و افكر اني لازم انجح عشان اخلص الابتدائية على خير و افكر اني لسة باقيلي خامسة و ستة
ده ان خلصت رابعة اساسا!!
المهم وصلت المدرسة دخلت و قعدت انا و صحبتي الاء نراجع المنهج
و بعد شوية بدا الامتحان و سلموا الورق حليت و تاكدت من حلي مليون مرة
و رحت علشان اسلم الورقة
لقيت المدرسة بتقولي : نص الورقة غلط
سالتها: ايه الغلط فيها ؟
قالتلي : كل مسائل الكسور غلط بصي هتيجي ابلة دلوقتي تقولك الاجابات استنيها
انا ضغط دمي ارتفع و هي بتقول الكلام ده و ايقنت ان كل العيال محلوش منتظرين الابلة اللي هتحللهم
و ايقنت كمان ليه نص طلاب مصر ****

جت الابلة و قالت الحل و انا قاعدة في مكاني متسمرة
و شايفة
جيل جديد بيضيع!!
لقيت كل الناس هجمت عليا عشان مش عايزة احل زي الابلة و مقتنعة بحلي
بما ان خالتي معاية في المدرسة جابوها مخصوص عشان تشوف
البلوة اللي جابتها اللي هي انا في وجهة نظرهم
خالتي : انتي مش عايزة تنجحي و لا ايه ؟
انا : عايزة انجح بس بمجهودي
الابلة : ما كل العيال كتبوا مع الابلة اهو مش انتي بس اللي حتغشي
انا : و انا عايزة اكون احسن منهم و مغشش
خالتي : يا بنتي انتي شطرة و دايما بتطلعي من الاوائل حرام لما عيل مبذاكرش و لا فاهم حاجة
يجيب اعلى منك لمجرد ان في حاجة مش فهماها

انا و قد ضرب الدم في نافوخي : انا محلتش غلط كل اللي انا عملتوا اني حليت بطريقة تانية
هو دا حلي اللي حليتوا و مش هغيرو

و انا فاهمة المسالة دي كويس و حالاها صح و اختي اللي قالتلي طريقة الحل دي و انا بثق فيها
و يارتني ما قلت الجملة الاخيرة دي
مسكوا فيها
الابلة : اختك دي قوليلها انها مبتفهمش حاجة , دي غبية اياكي تخليها تذاكرلك تاني هي اختك دي هتفهم اكتر مننا؟!
( انا في عقلي : طعبا بتفهم اكتر منكوا )
و بعدين اختك في سنة كام دي تلاقيها ناسية الكسور اساسا و جاية تبوظلك عقلك
انا قاعدة ساكتة و فجاة فتحت في العياط
و
قلتلهم : هاتولي استاذ رياضيات هنا حالا
و جه استاذ الرياضيات و
بكل برود : بصي يا بنتي الطريقة اللي انتي حالة بيها صح و المسالة صح لكن انا هاضطر انقصك عشان مش زي طريقة المدرسة
عرفت ساعتها ليه كل العيال دي بتغش لان لو مغشوش هيحصلهم نفس مأساتي
المهم بعد ما خلصت عياط
خالتي : شفتي يا رارا* وده اسم الدلع بتاعي * اللي حصل ؟
عشان اقولك ذاكري و انتي مبتسمعيش كلامي
ساعتها الدم ضرب تاني فنفوخي منين الاستاذ قالي اني حالة صح و منين هي بتقوللي الكلام ده
و لا هو مفيش حل صح غير بطريقة المدرسة و اساسا الطريقة اللي حليت بيها كاني حالة تلات مسائل في بعض
يعني المفروض اخد اعلى من درجة الامتحان مش ينقصوني
كان اليوم ده فيه امتحانين رياضيات و دين وطبعا لحالتي النفسية السيئة معرفتش احل حاجة
يا ترى انتو شايفين انا صح ولا غلط ؟!

**************
ما الذي يدفع للغش :
1 ـ عدم الثقة بنفس
2 ـ توبيخ المعلمين للتلميذ و اشعاره ان كل زملائه
اذكى منه
3 ـ الحالة النفسية السيئة
4 ـ العنف في المدارس الذي يؤدي الى كره التلميذ للتعليم

******
من اكثر المشاكل التي تدعو التلميذ للغش
ان الاهل متوقعين ان ابنهم خارق الذكاء و عندما يخيب املهم
يبدئون بتوبيخه و تكرار هذه العملية لدى التلميذ تصيبة بالاحباط

النتيجة :

(
الغش هو الحل )

هناك 66 تعليقًا:

  1. مع إني مفهمتش حاجة

    بس واضح من الكلام العميق اللي انتي كاتباة
    ان هوه قعد يلعب طول السنة
    وجة ف يالاخر يندم

    في الحقيقة
    انا بالنسبالي

    أكرم لي

    اسقط
    ومغشش

    دمتي سالمة

    سلامون عليكي

    ردحذف
  2. هاى ازيك يا عاشقة بصى انا بحمد ربنا انى خلصت الثانوية والكلية علشان لما بجد بشوف الطلبة دلوقتى بيصعبوا عليا اوى انا مش مخلصة من زمان انا دفعة 2006 بس ايامنا نوعا ما كانت خففية اوى عن دلوقتى مع انة ممرش كتير بس مش عارفة بيعملوا كدة لية بس انا بردو مبحبش اغش بصراحة

    بس بوست حلو ربنا يوفقك

    ردحذف
  3. نعكشة و PrInCeSS BeRy

    لو ركزتي شوية في الموضوع هتعرفي
    انها بتزاكر طول السنة بس عملت بطريقة
    و مش زي الابلة اللي بتغشش و هما عرفين
    انها حلة صح بس بغلطوها علشان مش طريقة
    المدرسة

    ردحذف
  4. انا عارفة قد ايه موقف زي ده بيكون صعب جدا ان يطلب منك تغشي غصب عنك
    يمكن لاني حصللي موقف مشابه في سنة من السنين
    بس الجميل انك فضلتي على موقفك ورفضتي الغش
    طبعا الغش مش هو الحل ابدا
    يارب تكوني نجحتي في المادة دي
    تحياتي

    ردحذف
  5. هههههههه اية الكلام دة
    هوة كمان مش عارف يغش ولا اية ؟

    علي فكرة الغش دة مصيبة كبيرة
    بس في احيان كتيرة بيكون هوة الحل
    هههههههه الي كله بيلجا الية
    علي العموم موضوع جميل والمدونة كمان جميلة
    دي اول زيارة ليا عندك يا بنوتة

    ربنا معاكي مستني زيارتك عندي في البلوج

    الصيدلي المطحون

    ردحذف
  6. فعلا دى حاجة تفقع
    ايه الارف ده

    ردحذف
  7. عن الغش حدث ولا حرج خصوصا فى الابتدائى فى سنوات النقل الدرس الخصوصى عند مدرس الفصل فى الغالب عشان ينجحه باى طريقة تسريب امتحانات غش فى اللجان .مرة ولد غاب فى امتحان حاسب آلى وكان بياخد عند مدرسين الفصل كلهم دروس فاتنين منهم عملوا له ورق اجابة كل مدرس ورقة وكل واحد حط الورقة اللى عملها له فى اوراق اللجنة وفى التصحيح فى الكنترول لقوا الولد مكتوب غياب وله ورقتين اجابة محلولين باسمه طبعا اللى راحت فيها المراقبة بتاعة اللجنة ومرة لقوا ورقة اجابة الاسئلة فى نص ورقة الامتحان الولد نسى يرميها بعد ما غش ومهازل بجد فى امتحانات النقل

    ردحذف
  8. لسة في سنة رابعة ابتدائي وبيجيلك الضغط والدم بيضرب في نفوخك لا حول ولا قوة الا بالله

    بصي انا اولا باحيكي على ثقتك في نفسك
    وانتي صح بس للأسف النظام هو اللي مش صح

    وعلشان تمشي في الدنيا دي لازم تمشي زي ما هما عايزين يا اما هيسقطوكي

    تحياتي

    ردحذف
  9. في مثل قديم بيقول ايييييه


    من نام وأرتاح كتب له النجاح
    ومن سهر الليالي بات للعام التالي

    سلاااام

    ردحذف
  10. PrInCeSS BeRy :

    الحمد لله انه رحمك
    من زمن التعليم البايظ
    اللي احنا عيشين
    فيه دلوقتي
    الزمن بيتغير بسرعة

    تحياتي

    ردحذف
  11. Unique :

    فعلا الموقف
    ده كان اصعب موقف
    تعرضت له

    ردحذف
  12. Abd-Alrahman :

    شكرا لمرورك

    تحياتي

    ردحذف
  13. ذربونة هانم :

    فعلا دى حاجة تفقع

    ردحذف
  14. اسماء الشيخ :

    دلوقتي المدرس
    مبينجحش الا
    اللي بياخدوا درس عندوا
    حتى لو كان التلميذ شاطر
    و بيذاكر
    للاسف هذا هو مجتمعنا

    ردحذف
  15. HERO :

    للاسف اللي
    يعيش في الزمن ده
    لازم ضغطه يرتفع

    ردحذف
  16. عاشقة الحب

    مش عارفه أقولك أية بس بصراحة أنا عمري ما غشيت في حياتي ولا حتى حاولت أغش لأني لو غشيت والمراقب مشفنيش ربنا هو اللي هيشوفني وطبعاً عقاب ربنا أعظم من عقاب أي إنسان...
    أتمنى مكنش طولت عليكي في الرد وأتمنى أنك تنوري مدونتي ونبقى متواصلين .

    تقبلي مروري

    ردحذف
  17. انا مش فاهم حاجه

    هو الناس كلها شايفه الكلام و أنا مش شايف

    و لا هو بوست بالشفره
    D:

    بس عامة لو الموضوع عن الغش
    فدا طبعا أكتر شئ بكرهه في ححياتي

    الأنسان المفروض أنه في الدنيا دي موجوزد عشان يجتهد ... مش عشان يسرق مجهود غيره

    و الواحد الحمد لله بيعمل اللي عليه .. ويرضى بما قسمه الله له

    دمتي بخير

    ردحذف
  18. انا اسفة جدا جدا
    كان في غلط و مكنتش واخدة
    بالي منه
    عموما شكرا على تنبيهي
    و انا صلحته
    لو حضرتك عايز تقرا

    مع جزيل
    الشكر

    ردحذف
  19. أخيراً عرفت أقرا البوست
    لكن طلع يستاهل الإنتظار لأنه بيناقش مسألة مهمة جداً وهى إن كل مدرس عايز تلامذته تجيب درجات عالية علشان يتقال إنه مدرس ممتاز والمدرسة بتوافق علشان تبقى مدرسة هايلة والدائرة لاتتوقف والمجنى عليه دائماً هو الطالب.

    ردحذف
  20. مش أوي كده ... بس أنا من أهم المعارضين والمحاربين للحل بنفس طريقة المدرس وهو مفيش غير كده ... حاجة تجن يعني ...

    ربنا معاكي

    والسـ ختام ــلام

    ردحذف
  21. نقول حاجة...ربنا عمره ما حيساوى اللى غش باللى ماغشش حتى لو اتساووا فى درجات امتحان او غيره...لازم تكون ثقتنا فى عدل ربنا كبيرة جداااااااا و نعمل اللى حيرضيه و بس مش غير تفكير

    ردحذف
  22. عاشقة الحب عليكى واجب فى المدونة عندى حليه ياستى براحتك وبطريقتك ومن غير غش وناجحة ناجحة ان شاء الله
    (ده كلام جد والله مش تعليق تانى على البوست)

    ردحذف
  23. قلب مصري اخيرا
    انا قلت بردو مش طبيعي
    اني انزل موضوع و عمو قلب ميدنيش رأيو
    من غير سبب كده

    مش عارفة ليه الناس بتعمل كده
    فاكرين انهم بيفيدوا التلميذ
    لكن في الاصل هما بيدمروا مستقبلو

    ردحذف
  24. mohamed hesham :

    مهما عارضت
    المجتمع بيفرض
    رايو علينا

    ردحذف
  25. DINA MOHAMED :

    الحمد لله
    انا عملت اللي
    يرضي ضميري

    ردحذف
  26. كلام وخلاص :

    ان شاء الله
    هحل الواجب

    ردحذف
  27. عايزة اقولك ان اسباب الغش كتير واولها الاهل ومعاملتهم للابناء زائد ان التلاميذ الجدد مش عايزين يذاكروا اصلا ومريحين نفسهم وبعض المدرسيين مش كلهم نسيو التعليم وكانهم فى محل بقالة وبوستك جميل وعجبنى الموضوع

    ردحذف
  28. الذي يدفع للغش في كل شيئ هو الفساد وغياب الضمير

    ربنا يتولانا برحمته
    تحياتي

    ردحذف
  29. بصى اوعى تستسلمى ابداااااااا؟
    وخلى شعارك من غشنا فليس منا

    ردحذف
  30. Aaya :

    اكيد هنبقى متواصلين

    ردحذف
  31. في حب مصر :

    المشكلة ان ده
    في وجهة نظر المدرسين مش
    غياب ضمير
    لا دول كده بيامنوا مستقبل
    التلاميذ
    هههههه
    نفسي اعرف الناس دي
    بتفكر ازاي

    ردحذف
  32. نونو :

    اكيد
    عمري ما
    هستسلم

    ردحذف
  33. عجبنى اكتر بساطة اسلوبك
    انت هايلة وقلمك رائع
    تمنياتى بالتوفيق دائما
    ............
    نور الدين محمود

    ردحذف
  34. بوست هايل
    ....................
    المهم انك وصلتى لنتيجه مهمه
    الغش هو الحل
    .....................
    فى حكمه بتقول
    ذاكر تنجح غش تجيب تقدير
    .........................
    تحياتى
    سندريلا

    ردحذف
  35. لفت انتباهي الجمله اسفل اترك تعليق
    " حاول ان تساعدني في اصلاح هذا العالم "
    نسيت ردي على البوست وفكرت فيها
    حسيتها كبيره قوي وصعبه جدا
    ومش ممكنه خالص
    ربما نستطيع اصلاح العالم القابع في انفسنا
    لكن العالم الخارجي صعب اصلاحه وقد اصبح العادي والسائد هوه الغش
    والغير عادي والغير مألوف هوه النجاح بالمجهود.
    هل فعلا عندك 9 سنوات ام ان بداخلك طفله عمرها 9 سنوات ؟
    تحياتي

    ردحذف
  36. بصي بقا يا رار - دا اللي هو أسم الدلع بتاعك -
    أنتي أكيد صح ميه في الميه .. ومن واقع تجاربي في الأمتحانات اللي أنا طول حياتي منخرط فيها .. (و الحمد لله أنا طول عمري من الأوائل حتى سني هذا )
    1 / أن اللي بيغش ده عمره ما بيجيب زي اللي مزاكر و حل لوحده.
    2/ اللي جايب درجات بالغش ده دايما ربنا مش بيباركله .. حتى لو نجح و بقا من الأوائل .. ربنا مش ممكن يسيبه .
    3 / أنا حتي لو مش مزاكر .. عمري ما هغش ..لأن هيبقا منظري ايه قدام نفسي
    أنسان غشاش .
    4/ أي حد بيغش بيبقا أنسان معندوش لا ثقه في نفسه .. ولا أخلاق .. ولا حاجه خالص
    يعني من الاخر بيبقا أنسان - لا مؤاخذه - زباله.
    حاجه أخيره .. معلش أنا عارف أني طولت أوي ..
    عمر التفوق و النجاح في الحياه ما بييجي بالغش ..
    يعني لو ربنا سترها معاكي مره .. مش هيحصل في التانيه و لا التالته ..
    يعني الأنسان المتفوق لازم يكون انسان صح يا إما مش هينفع
    وده طبعا في كل مجالات الحياه .. مش في المزاكره بس

    ربنا يوفقك .. و تمسكي بالصح ..لان ده الصح

    اسف على الاطاله
    دمتي بألف خير

    ردحذف
  37. انا اسيب الورقه فاضيه ولا اغش حرف
    هذا هو شعارى
    اصحابى عرفم كده
    وبقوا ساعت الامتحان بياخدوها من قصيرها ويظبطوا مع بعض

    والحمد لله ربنا بيكرمنى لانى بعمل ده لارضاه



    موضوعك جميل جدا
    بس قوليلى اخبار النتيجه ايه

    ردحذف
  38. نور الدين :

    شكرا لمرورك
    الكريم

    ردحذف
  39. sendrlla :

    اتمنى يكون
    البوست بجد عجبك

    ردحذف
  40. دمعاتي :

    هو الحقيقة
    انا بتمنى نصلحه
    مع اني عارفة ان ده شبه مستحيل
    لكن لازم منياسش
    ممكن الناس تصدقني
    و الله العظيم انا عمري الحقيقي 9 سنين
    و لو عايزين اجبلكوا صورة من شهاده
    الميلاد

    ردحذف
  41. SaSa Allam :

    طبعا انا اتفق معاك
    و عمري ما هغير رايي

    ردحذف
  42. dina seliman :

    الحمد لله
    جبت 96 و نص

    ردحذف
  43. ههههههههههههههههههه

    والله النور لما بيجي الدنيا بتبقي حلوة

    احم احم

    طيب الموقف دة حصلي وانا في امتحان االابتدئية
    كنا مدرسة خاصة فرحنا نمتحن في مدرسة حكومي و بتاع
    وجاتلنا واحدة قعدت تملي العيال الاجابات
    وانا ولا هنا
    ومليش دعوة هيا بتعك تقول إية

    عملوا الحركة دية في معظم الامتحانات

    وانا ولا انا هنا برضو

    اذكر

    في امتحان الثانوية العامة باين أو اولي ثانوي

    بس الاورجح أولي ثانوي
    بتاع العربي
    كنت قاعدة و مش فاكرة حاجة فببكي لوحدي
    المهم الست جت تقولي عايزة تغشي
    اقولها لأ
    اجيبلك ورقة واحدة صحبتك
    اقولها لأ
    قالتلي انتي غبية و عبيطة
    و مشيت و سابتني
    و راحت تشتم فيا هيا في المراقبة التانية
    المهم الوضع اتحسن و افتكرت شوية حاجاتو كتبتها
    وجبت درجة حلوة باين مش فاكرة في العربي

    أنا معظم زمايلي في المدرسة لما كنا بنهرج هغششك و بتاع كانو بيفتكروني بتكلم جد
    وساعة الامتحان ولا بعبر حد

    بصي يا رارا
    اسمحيلي اقولك رارا

    بصي يا رارا إن الله لا يضيع اجر من أحسن عملا

    و معلومة بس وانتي صغيرة

    قريت قبل كدة فتوى

    إنك لو غشيتي في اي من الامتحانات اللي بيعتمد عليها مستقبلك و دخلتي شغل
    هيبقي شغلك فيها بالغش
    و هو حرام
    مش فاكرة بالظبط نص الفتوى
    بس الحتة دية ثبتت عندي الموضوع
    ومهما حصل عمري ما أغش

    الحمد لله

    دمتي سالمة

    سلامٌ عليكي

    ردحذف
  44. ألف مبرووووك علي النتيجة
    بس المرة الجاية مش عايزة اقل من 99%

    ربنا يوفقك يا قمراية
    و يعزك دايماً

    آمين

    ردحذف
  45. وانا فى امتحاناتى
    فيه ناس كبيره مدرسين ووكلاء مدارس بياخدوا معانا الدبلومة دى

    متجوزين طبعا وعندهم عيال

    شايفاهم طول السنه ناس محترمة وقدوة ليا

    بس اللى اكتشفته ايام الامتحانات حاجه تانيه
    لما يبقوا معلمين افاضل والمفروض مربين وبيغشوا يبقى حال الدنيا اتقلب

    والله عازراهم وان ظروفهم صعبة بس ليه كده

    اتضايقت اوى يومها وزعلت جدا

    ما عليا علشان لو فكرت اكتر من كده هتجنن

    ردحذف
  46. نعكوشة ههههههههههههه
    هوه انتي برضوا كنتي مع الناس اللي الدنيا عندهم ضلمة الحمد لله ان النور جه
    انا تقريبا حصلي نفس الموقف ده بس بالعكس انا اللي اتاخد مني الورقة
    اهئ اهئ اهئ اساسا المفروض اني مكنتش انقص الدرجات دي
    ان شاء الله هتتعوض
    و ربنا هيخدلي حقي منهم

    ردحذف
  47. لا شهادة ميلاد ايه !!
    ربنا يحميك
    واستمري لان انت مشروع موهوبه
    تحياتي
    :)

    ردحذف
  48. هههههههههه
    انا كنت احيانا بفكر كدة برضة

    ههههههههههههههه
    موقف جميل وذكري اجمل
    مستني زيارتك

    ردحذف
  49. لا ياحبيبتي انت مش غلط يارار
    انت صح
    العيب مش فيكي

    ردحذف
  50. انتى اسلوبك جيد الى حد ما
    لكن عندك مشكله
    وهى ان الموضوع عنده عرق الطول
    طويل جدا
    صدقينى لو مختصر عن كده هيبقى احلى
    يسعدنى التواصل معك
    اول زياره لمدونتك ولن تكون الاخيره
    تحياتى

    ردحذف
  51. دمعاتي

    ههههه
    انا كنت بهزر بس

    ردحذف
  52. السلام عليكم ورحمة الله وبركاته
    فكرتيني بأيام زمان أنا كمان كنت بعمل زي رارا وخال بابا كان ناظر المدرسه وفي مدرسين كتير أقارب ومعارف المهم لما كان حد بيحاول يقرب عند ورقة الاجابه بتعتي كنت بفتحلهم الاذاعه علي برنامج هنا القاهره فكانوا بيخافوا ويحاولوا يتحاشوني ليغششوني ولا ياخدوا مني اجابه لحد من زملائي يعني عشان يلموا الدور

    ردحذف
  53. أنا برضه كنت عاوزه أعرف زي دمعاتي هو فعلا عندك تسع سنين ولما شفت التعليق بتاعك حبت أقولك يا بنتي ماشاء الله تبارك الله ربنا يحفظك ويحميكي

    ردحذف
  54. امة الله :

    اخيرا لقيت حد زيي
    تحياتي

    ردحذف
  55. زفتة و قطران :

    شكرا لمساندتي

    ردحذف
  56. صالح سعيد :

    ان شاء الله
    هحاول اقصروا
    اتمنى تكرر الزيارة

    ردحذف
  57. عاشقة الحب
    **********
    صباح الخير او مساء الفل مش مهم
    اول زيارة ليا هنا بس معقول انتى عندك 9 سنين بس!!! ولا ده خفة دم؟
    بجد قوليلى انا مش فاهمه ة
    اذا كان كده يبقى بحييكى على شطارتك ماشاء الله
    واثقه فى نفسك وشطورة وجامده ومش عارفه اوصف
    بس عايزة اقولك حاجه ياحبيبتى
    احيانا من كتر ماالناس بتعمل الغلط بتصدقه وتعتبره هو الصح
    ومن المنطلق ده بقى اللى مش بيغش هو اللى غريب ومش بيفهم والمفروض نعاقبه

    علشان كده ارضى انتى بس ربنا وتمسكى بخلقك الكريم وسيبك من اللى بيعمل الغلط .دايما ابتغى بالخير وجه ربنا سبحانه وتعالى وهو يثبتك عليه
    دمت بخير حبيبتى

    ردحذف
  58. Habiba :

    صدقيني مش
    خفة دم
    و اسعدني انك واقفة
    جنبي
    و يا رب يكون
    لسة في ناس بتفرق
    بين الغلط و الصح

    اتمنى اكون
    عند حسن ظنك

    ردحذف
  59. سعودي :

    كرر زيارتك
    في انتظارك

    ردحذف
  60. hhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhh


    sho had gd hhhhhh

    alaa b3enk

    waaaaaaaaaaaaa3

    hhhhhh

    ردحذف

حاول أن تساعدني في إصلاح هذا العالم