الأحد، 31 أغسطس، 2008

نحن التلاميذ الغلبانين


بما اني لسة في المدرسة
اقدر اشرحلكوا
ما نعانيه نحن التلاميذ
في المدرسة اللي هي بيقولوا عليها مكان للتربية و التعليم


قبل البداية :
انتشر العنف في المدارس بشتى الاشكال
لكن لدينا نوعان رئيسيان من العنف :
1 : العنف الجسدي
2 : العنف النفسي
و اللذان يعرفان في المدارس (
العنف الجسدي )
بالضرب و التعذيب
( العنف النفسي )الشتم و الاستهزاء
وعدم التقدير الاستعباد
و كل مايقع على التلميذ الغلبان و يؤذي نفسيته


نرجع لموضوعنا و المدارس


نبدا :

دايما تلاحظوا ان نحن التلاميذ الغلبانين
في بداية الدراسة بنبقى مقدمين جدا على التعليم
ممكن اوي نفضل كده لو في مدرسة محترمة
فيها مدرسين محترمين
فاهمين يعني ايه يخلقوا عقول ذكية

عارفين ليه بقى كتير مننا مش كده ؟ !!

الاغلبية هتقول : عشان انتوا اللي مش عايزين تتعلموا

انا بقى بقلكم :
صحيح في مننا كده
لكن الاغلبية مشكلتهم حاجة تانية
خالص هي اللي مكرهاهم في التعليم


اقولكم على الاسباب
:
ينزل التلميذ من بيته و هو شايل هم المدرس
اللي هيضربو عشان اتاخر عشان كان بيحل الواجب
اللي من ساعة ما رجع من المدرسة
وهو عمال يحل فيه و بردوا مخلصش

عشان مدرسه الجميل قاله يكتب الدرس عشر مرات

و تمارينه كمان عشر مرات و المعاني عشر مرات كمان
يوصل المدرسة يلاقي حتى الحارس
عمال يهزأ فيه
و فجاة يلاقي واحد انقض عليه مثلما
ينقض الوحش على فريسته
و بيضرب فيه و بيقلو ليه اتاخرت

لا يجد تلميذنا الغلبان الرد
فقط يقول : مش هاعمل كدة تاني

لانو لو قال على حكاية الواجب هيسمع تهزيء مالوش اول من اخر
يطلع التلميذ على فصله مرفوع الراس تكاد الابتسامته تملا وجهه
بعد ما نفد بنفسه من المدرس اللي بيضرب في كل اللى رايح و جاي
لكن للاسف تنقطع لحظة الانتصار
لما يقابل مدرسه الجميل
تبدا تعود به الذاكرة الى ما كان يفكر فيه قبل لحظة الانتصار
و يحدث ما كان يتوقعه تلميذنا الغلبان
و يضربه مدرسه الجميل
يدخل عشان يقعد وسط شفقة جميع التلاميذ الغلبانة
بعدها يسال الاستاذ على الواجب
في هذا الحين ينتاب الفصل الصمت الشديد
و في هذا الحين برضو يكتشف المدرس
ان مفيش تلميذ واحد عامل الواجب


و يقول بصوت يكاد ان يهز الجدران : كلكوا هتضربوا

انتوا طبعا شايفين ان من حقه
و انا كمان معاكوا
لكن ده لو كان ضرب طبيعي
المدرسين بيستخدموا اساليب ضرب
موردتش على البشرية
افضل انكوا متعرفوهاش عشان ميجلكمش كوابيس بالليل

نرجع لموضوعنا
المهم بعد مايضربه
يبدا المدرس يشرح الدرس الجديد
و المدرس مش عارف يوصل المعلومة
فمن الطبيعي ان تلميذنا الغلبان ميفهمش
مش زي ما المدرسين بيدعوا ان نحن التلاميذ اللي مش بنركز
و فجأة ..... هوب يوقع الاستاذ الجميل التباشيرة متعمدا
ويلقي امر على التلميذ بان يحضر التباشيرة التي تحت قدمه
الاستاذ بحجة ان ضهره بيوجعه
و طول الحصة يفضل التلميذ متعذب في التباشيرة اللي بتقع
تتكرر نفس الحصة من اول الضرب
لغاية التباشيرة اللي بتقع مع كل مدرس و مدرسة بيدخلوا

وفي نهاية اليوم الدراسي الاليم
و عندما يحضر تلميذنا الغلبان نفسه للذهاب و عند باب الفصل
المدرس: انت هتهرب من المجموعة زي كل يوم و لا ايه ؟
يلتفت التلميذ الى الخلف في حركة بطيئة
و علامة الاستعجاب على وشه: استاذ انا مباخدش مجموعة !!
يعني ايه ؟ من النهاردة هتاخد مجموعة و درس كمان
والا هصقتك
اس....منغير كلام ادخل اقعد مكانك
بعد ما تخلص المجموعة بيبقى عند تلميذنا واجب المجموعة
زائد الواجب الاصلي

و بعد كل ده اهل تلميذنا الغلبان بيفضلوا يزنوا عليه يروح المدرسه برضه

طبعا انا مقلتش كل اللي عندي لانو مش هيكفيه ميت موضوع
المهم تكونوا حسيتوا و لو بجزء
بسيط مما نعانيه

( نحن التلاميذ الغلبانين )

هناك 17 تعليقًا:

  1. كل عام وانت الى الله أقرب وعلى طاعته أدوم

    فكرتيني بأيام جميلة


    ربنا يكون في عونك

    تحياتي

    ردحذف
  2. كل رمضان وحضرتك بخير
    اللهم بلغنا ليلة القدر واجعلنا من عتقاء هذا الشهر

    ردحذف
  3. ليه كده بتنكدي علي نفسك أنتي لسه في الاجازه.
    فكرتيني بالواجب دا المدرسين كانوا بينتقموا مننا افتكر في مرة طلب مني أن اعمل الواجب 200 مرة دا بجد عملت منهم 17 مرة بس
    علي العموم كل سنة وأنتي طيبة

    ردحذف
  4. صاحب المضيفة :

    كل عام و حضرتك بخير

    و ربنا يعني على المدارس اللي جاية

    ردحذف
  5. قلب مصرى :

    ان شاء الله
    رمضان السنة دي
    يكون اجمل
    و كل كل عام و حضرتك بخير

    ردحذف
  6. أمة الله :

    ما لازم برده اطل من جو الاجازة
    و احاول ارجع للمدارس
    عشان الصدمة عليا متبقاش كبيرة
    و بعدين المدارس اربت

    ياه واجبك 200 مرة
    لا انا و الحمد لله مبزدش
    عن 22 مرة

    ردحذف
  7. السلام عليكم
    كل سنه وانتى طيبه واقرب لله دايما
    تشرفت بزياره حضرتك ليا فى مدونتى
    اللى خليتنى اعرف مدينتك الجميله
    واقرء موضوع المدرسين بالطريقه دى
    طريقتك جميله ولمت كتير قوى من اللى بيحصل للاسف لو بنتكلم عن ميه مدرس هنلاقى واحد كويس والباقين زى ما بتقولى كدة حاجة صعبه قوى مع ان اهم حاجة فى اى مجتمع التعليم طيب يحبوا التعليم ازاى والعصايا ماشيه وراهم
    يروحوا المدرسه ازاى وهما متوقعين انهم هيتهزقوا وينضربوا بجد موضوعك متناول بطريقه حلوة جدا
    عاوز اضيف ان التعليم دا متعه وواجب المعلم انه يعرف تلميذة متعه العلم لو معملش كدة يبقى معلم فاااااااشل بكل المقايس
    تحياتى وسلامى
    اشوفك بين حروفك

    ردحذف
  8. ازيك يا عثل كل سنة وانتى طيبة رمضان كريم فكرتينا والله بايام المدرسة زمان بقة هههههه ربنا معاكى حببيتى

    ردحذف
  9. mohamed :

    كل سنة و انت طيب
    وشكرا لزيارتك للمدينة

    عموما هتليقي مواضيع كتير زي دي
    المدرسة خلاص بعد اسبوع

    حبيت اتكلم عن موضوع العصايا
    بعد ما اجريت حديث مع احد مدرسات مدرستي اكتشفت انهم مقتنعين اني العصاية هي الحل
    و انا بصراحة مش عارفة اغير وجهة النظر دي ازاي

    اما بقى الجزء التاني من مشاركة حضرتك
    لما تم الحديث في
    اتضح ان المدرس بيبقى جي من بيته
    تعبان مش مستحمل
    عشان كده بيهده فينا

    نحن التلاميذ الغلبانين

    طبعا انا مش موافقة على اي نظرية من النظريتين دول

    ربنا معانا

    ردحذف
  10. PrInCeSS BeRy :

    و انتي طيبة

    بس بمناسبة زمان
    زمان كانوا بيعملوا كده

    ارجو الرد

    هههههههه

    ردحذف
  11. فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
    هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

    1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
    2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
    3- مشكلة تعمير مصر والتى يعيش سكانها على 4% من مساحتها.
    4 - العدالة الاجتماعية .. وأطفال الشوارع والذين يملكون كل شىء .
    5 - ضرورة الاتحاد مع السودان لتوفير الغذاء وحماية الأمن القومى المصرى.
    6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.

    ارجو من كل من يقراء هذا ان يزور ( مقالات ثقافة الهزيمة) فى هذا الرابط:

    http://www.ouregypt.us/culture/main.html

    ردحذف
  12. كل ده بيحصل معاكى والله صعبانة على

    يابنتى ده إحنا أخرنا ضرب بالجزم بس

    وبنتهزىء تهزى....ربنا يكون فى عوننا..

    على العموم ربنا يهدى المدرسين كلهم

    سؤال رخم هوا إنتى عندك تسع سنين بجد

    "سندس"

    ردحذف
  13. عزيزتى
    عاشقة الحب

    انا مش باجى عندك لانك بتزعلى من صرحتى

    حتى التعليق الغامض اللى علقتيه على موضوع الحب الحقيقى يموت

    مسحتيه

    وانا رديت عليه برضوا ووضحتلك انه كان فيها مغالطة لا يقبلها اى عقل

    على العموم انا حبيت امر وامسى

    واقولك اللى فى قلبى نحيتك

    واللى زاد لما مسحتى تعليقك الغريب

    تحياتى
    سلام

    ردحذف
  14. هو دا بقى التعليم دلوقتى
    الله يكون فى عونكم

    ردحذف
  15. سندس وأمل :

    شكرا لمرورك
    و اجابة السؤال
    في الموضوع
    الجديد
    هنزلو قريبا

    ردحذف
  16. احساس لسه حى :

    شكرا للزيارة
    رد التعليق
    في مدونة حضرتك

    ردحذف
  17. romansy :

    يارب يتعدل

    شكرا لمرورك
    الكريم

    ردحذف

حاول أن تساعدني في إصلاح هذا العالم